Ich Reinprecht von Waise Haubtman ob der Enns vergich offenleichen, vnd tün kund mit dem brief. allen den die in sehent oder lesent, Das der ersam gaistlich Herre Abt Ött von Sand Peter ze Saltzpurch mich genomen hat von Pett wegen zu aim vogt vber sein ürbar ze Prayttenaw, mit solicher beschaiden, Das er vnd sein nachkomen mich mit der selben Vogtay mugen vercheren, wenn sew wellen, Also das ich noch mein erben, sew daran nicht sollen Jrren.¹⁾ Dar uber gib ich jm den brief besigelten mit meinem aigem aufgedrükchten Jnsigel. Der brief ist geben ze Lyncz an Montag nach sand Märteins tag, nach Christs gepurd Tawsent drew Hvndert Jar, Dar nach in dem Newn vnd Sybenczkisten Jare.

Source Fulltext: OÖUB 9 (Wien 1906), S. 740