Ich Vlreich der Neydekker vnd all mein erben veriehen —, das wi^er — verchaufft haben mit vnsers rechten lechenhern Hant des edeln Hochgeporn fu^ersten Herczog Albrechcz ze O^esterreich drev phunt geltz vnd achtzig phenning wyenner mu^enzz, de gelegen sind in Trennstainer pharr, de man alle iar ierleichen dy^enet an sand Michelstag auf acht vnd vi^erczig Holden, da ich das dritteil auf han, vnd da der erber Herr Her Hainreich von Dachsperch da selbs czwai tail gegen mi^er het, den vorgenant drittail hab ich gegeben ze chauffen dem edeln Herrn Hern Hainreich von Dachsperch vnd allen sein erben mit allen den rechten vnd nuczen vnd dar zu^e gehöret, ez sey von alter her oder von gewonhait, — dar vm hat er mi^er gegeben fu^onfczik phunt phenning wy^enner münzz, der wi^er gancz vnd gar gericht vnd gewert seyn zu rechten ta^egen —, wi^er sein auch des vor¬genannten chauffz vnd des vorgenanten drittail i^er rechter scherm vnd gewer fu^er all ansprach alz lechen recht ist vnd des Landes recht ze O^esterreich. — Dar über geben wi^er dem vorgenanten edeln Herrn Hern Hainreich von Dachsperch vnd allen seinen erben den briff versigelt mit meinem anhangunden insigel vnd mit meiner vetern insigel Chunratz vnd nichlazz der Neydekker, de der sach gezeug sind mit iren anhangunden insigelln in an schaden. Der gegeben ist nach Christ gepu^erd dreu czechen Hundert iar darnach in dem Nevn vnd Sybenczisten iar an sand Kathrein abent.

Source Fulltext: OÖUB 9 (Wien 1906), S. 743-744