Ich Lienhart Snitzinger, ich penes Plahner, ich Christan Röt, ich Georgel Schekch, ich Dietel Pewtzel, ich Steffel Pewzzel, ich Ottel Stadler vnd ich Ludel Humbrechtsrieder, wir veriehen ¹⁾ offenlich mit dem brief, daz wir dem erwi^erdigen fu^ersten, vnserm genaedigen Herren, Hern Pilgreim Erczbischofen ze Salczburch, Legat des Stüls ze Rom, vnd seinem Gotshaus ze dienst fu^eren vnd haben wellen, vnser igleicher ainen Spiezz, mit Harnasch vnd Rossen wol geczewgt²⁾, als dar zu^e geho^ert trewlich³⁾ an geuer in dem gegenwürttigen Chrieg, den er hat mit Wilhalm dem frawnberger von dem Hag vnd seinen Helffern, wo vns vnser obgenanter Herr von Salzburch, hin mainet in dienst ze nu^eczen, als lang er vns seinen Sold dar vmb geit, vnd als lang wir auch, den von im dar vmb in nemen, Vnd dar vmb hat vns vnser obgenanter Herr von Salzburg halbes⁴⁾ Soldes ain Mona^ed, hinfur, daz sich hewt an hebet, an allen vnsern schaden, fürderlich ausgericht vnd bezalet, waer auch, daz wir, di weil der dienst weret, icht redlich schaeden naemen, auf dem veld⁵⁾ in vnser egenanten Herren dienst mit der Haubtlewt wizzen vnd weisung, di vnser obgenanter Herr oder sein geschaeft, dar zu seczet, es sei an Rossen, an Hengsten,⁶⁾ di selben schaeden sol vns vnser obgenanter⁷⁾ Herr von Salzburg, oder sein Gotshaus wider chern nach seines Rates Rat, also waz derselb dar vmb sprichet⁸⁾, des genügt vns wol, vnd sol dabei beleiben, wi^er sullen auch diselben schaeden⁹⁾ inner zwain Monaeden, nach dew vnd derselb Sold ausget mit redleicher weisung vordern vnd melden an vnsern vorgenanten Herren von Salzburg¹⁰⁾ oder seinen nach chomen, vnd an wew wir des nicht taeten, des waer man vns nach dem (!) zwain¹¹⁾ monaden nichtz gepunden, Vnd dar v^eber ze vrchund geben wir den offen brief versigilten¹²⁾ mit meins vorgenanten Lienharts des Snitzingers aigen anhangundem Jnsigel vnd mit Chunrad des Taufchind Richter ze Salzburg anhangundem Jnsigel der sein Jnsigel durch vnser aller vleizzigen bet willen, an den brief gehangen hat, im vnd seinen Erben an schaden, ünder den obgenanten Jnsigeln wir vns all obgenant verpinden vnd verpunden haben allez daz staet ze haben vnd ze volfüren, daz an dem brief geschriben stet, Der geben ist ze Salzburch an Eritag nach sand Gregorij tag, nach Christes gepurd Dreutzehen Hundert Jar darnach in dem Achczigistem Jare.||
||
a) 1380. Salzburg. 17. März. (Palmabend.)||
Jch Gregorij Zinczenstorffer, ich larencz Zinczenstorffer, ich Ortwein der Waltpurger, ich Haensel Weingartner, ich Ekkel der Reygstorffer, ich Rainprecht der Hürnein, ich Georig von||
Durnachting, ich Dietel Ouen, ich Haensel Ouen, ich Raeppel Albrechtshaimer, vnd ich Wernczel Zaertel etc.||
||
b) 1380. Salzburg. 26. März. (Montag in den Osterfeiertagen.)||
Jch fridreich Erwoltspekch, ich paul Atychperger, etc.

Source Fulltext: OÖUB 9 (Wien 1906), S. 819-821