Wi^er Albrecht von gotes gnaden Herczog ze O^esterreich, ze Steyr, ze Kernden, vnd ze Krain, Graf ze Tyrol etc. Tu^on chunt, Alz wir mit vnserm lieben getrwn Reimprechten von Walsse vnserm Hauptmann, ob der Ens, geschafft, vnd bestellet haben, von vnsern wegen Krieg ze fu^eren wider Graf Hainreichen von Schawnberg, Jst zwischen vns vnd demselben von Walsse beredt, waz im auf denselben Krieg, vmb volkch, vnd auch vmb sein selbs mv^e, vnd dinst, kosten geet, vnd swaz auch er, vnd sein gesinde, da redlicher scheden nement, daz das sten sol an vnsern getrewn lieben Haidenreichen von Meissaw Lantmarschalich in O^esterreich, Hansen von Liechtenstain von Nicolspurg, vnserm Hofmaister vnd Hainreichen von Rauhenstain, Also, waz die erchennent vnd sprechent, das wir darvmb, gen im tu^on sullen, daz wir dabey beleiben sullen, vnd wellen, vnd in auch des vnuerczogenlich an all sein scha^eden wellen auzrichten. Mit vrchund dicz brief. Geben ze Wienn an Freytag vor dem Palmen¬tag. Nach Kristes gepurd, Dreuczehenhundert Jar, darnach in dem Achczigisten iare. dominus dux per se audiuit et Consilium.

Source Fulltext: OÖUB 9 (Wien 1906), S. 823-824