Wi^er Albrecht von gotes genaden Herczog ze Österreich, ze Steyr, ze Kernden vnd ze Krain, Graf ze Tyrol etc. Embieten vnsern getrewn ~~ allen den, die in dem Pu^orgfride vnsrer Stat vnd herrschaft ze Steyr heuser oder güter habent, wie die genant sein, den diser brief geczaiget wirdt, vnser gnad vnd allez gu^et. Wir emphelhen euch vnd maynen ernstlich, wie ir, vormals her, mit vnsrer Stat daselbs ze Steyr gelitten habt, daz ir also auch nu mit in leidet in der Stewr, die si vns nu geben sullent, was euch der gepur, vnd das auch vnuerczogenlich gebt, daz vns das gelt an verczichen inkome, oder wir wolten euch gar swerlich darumb haissen nötten vnd pessern. Geben ze Wienn an Sand Mathias tag Anno etc. LXXXo. d.(ominus) Jo.(hannes) d.(e) T.(yerna)

Source Fulltext: OÖUB 9 (Wien 1906), S. 803