Wi^er Albrecht von gots gnaden Herczog ze Österreich, ze Steyr, ze Kernden vnd ze Krain, Graf ze Tyrol etc. Bekennen vnd tu^on chunt offenlich mit disem brief, Daz vnser getrewr, lieber Stephan von Hohenberg, die erbern Margrethen Weykcharts von Winkel selig tochter, sein eliche hausfrown, mit vnsrer hant, gunst vnd gu^otem willen geweist hat fur ir Morgengab auf Sechtzehen phunt gelts gelegen in dem Gericht ze Hohenberg, vnd auf vier phunt gelts, auf dem Halbtail der Vischwaid, auf dem Wisenpach vnd auch auf der Traysem oberhalb des Chendelpachs gelegen, das allez von vns ze lehen ist, Also, daz si die darauf haben sol vnd niezzen, als Morgengab, Lehens vnd Landes recht ist an geuer. Mit vrchund dicz briefs, Geben ze Wienn an Samztag vor dem Suntag, als man singet Oculi in der vasten, Nach Kristes gepurd dreuczehenhundert Jar vnd darnach in dem Achczigisten iare.||
dominus dux per se.

Source Fulltext: OÖUB 9 (Wien 1906), S. 804