Wir Albrecht zc. Tu^on ku^ent offenlich mit disem brief, daz wir vnserm getrewn lieben Hansen von Liechtenstain von Nicolspurg vnserm Hofmaister durch der trewen vnd dienste wilen, So er vns getan hat vnd noch fürbaz tün mag vnd sol. Empholhen vnd ingeben haben die phleg vnser Stat vnd Herschaft ze der freynstat vnd enphelhen in auch die wizzentlich mit dem brief von hinnen vntz auf den schiristen chunftigen Sand Michels Tag vnd von dan über ein iar, vnd darnach vncz an vns oder vnser erben wider rüffen, Also daz er dieselb vnser Stat mitsampt allen den gulten vnd nutzen, so darczü gehörent innhaben sol mit der gewonlichen purkhut daselbs. Was aber dar über derselben gült vnd nucz ierleich vorgestet, das sol vns yee abgen an dem gelte, darümb wir im vnser stat ze Laa vnd das Hubmaister ampt in Österreich verseczet haben. Mit vrchund des briefs.

Source Fulltext: OÖUB 9 (Wien 1906), S. 886