Wir Albrecht zc. Bekennen vnd tu^on ku^ont offenlich mit disem brief, daz wir vnserm getrewn lieben Hanss von Liechtenstein von Nicolspurg vnserm Hofmaister schuldig sein vnd gelten sullen Dreutausent phunt zwaihundert phunt vnd Sechs vnd vierczig phunt wienner phenning, die er vns in gu^oten trewen berait gelihen hat yn vnsern rechten not durften,¹⁾ Vnd darumb haben wir im vnd seinen erben verseczet vnd ingeantwu^ortet vnser Stat ze Laa vnd vnser Hu^obmaister Ampt in Österreich vnd was wir dar zu^o gekauft oder gelöset haben mit mauten, Stewren, Vngelt, Vrbar, Zinsen, zehenden vnd allen gulten vnd nuczen, die darzu^o gehörent, wa die gelegen vnd wie Si genant sein vnd darzu^o di gu^ot, die wir von Chu^onrad dem Sweinwarter kauft haben, also daz der egenant vnser Hofmaister vnd seine erben, die, in eins rechten phandes weis,²⁾ an abslag der nucze inne haben vnd niezzen sullent, als lang vncz daz wir oder vnser erben die von in erledigen vnd gelösen mit den obgenanten. drin tausent phunden zwain hundert phunden vnd sechs vnd vierczig phunden, Wenne wir auch damite die losung an Si vordern, So sullent Si vns der gehorsam sein vnd stat tu^on an allez vercziehen vnd wider red³⁾ [Wir gu^onnen in auch vnd geben dar zu^o vnsern gu^etleichen willen wizzentlich mit dem brief, ab in durft geschech disen Sacz furbaz zu versetzen oder ob Si den sust nicht lenger haben wolten, wenne das were, daz Si den denne wol fürbaz versetzen vnd ingeantwu^orten mugen ainem der vnsern in vnserm Land gesezzen wem si wellen innezehaben in allem dem Recht, als si den habent vnd demselben sullen vnd wellen wir, den Satz denne bestetten mit vnser selbs briefen an alle widerred,] Auch sullen si oder wer die egenant vnser Stat ze Laa von iren wegen ye inne hat, vns vnd vnsern erben getrewlich damit gewertig vnd gehorsam sein vnd vns die offen haben, vns vnd die vnsern die wir darzu^o schaffen darin vnd darauz ze lazzen vnd darinne ze enthalten, wenn vnd wie oft vns des durft geschiecht zu allen vnsern not durften wider allermeniklich nieman auzgenomen, doch an i^oren merklichen schaden, Vnd darüber ze vrkund geben wir in disen brief besigelten mit vnserm anhangendem Jnsigl. Der geben ist ze Velden vor Schovmberg an sand Gilgentag Anno LXXXo.||
||
In demselben Kodex:||
Ein gleicher Pfandbrief desselben Herzogs an denselben Liechtenstein über dieselben Güter und um dieselbe Pfandsumme ist datiert: 1380. circa 8. September. ||
„Datum in campis coram Schawnberg circa Nativitatem beate virginis Anno. LXXXmo" mit diesen Abweichungen, resp.

Source Fulltext: OÖUB 9 (Wien 1906), S. 881-883