Ich Ortolf der Enczestorffer vergich, — daz ich — ge¬macht han, meiner Hausurowen Cecilien ze Margengab nach des Landes recht ze O^esterreich, von erst mit meines Lehen herren Hant, des Hochgeporn fu^ersten Herczog Albrechts ze O^esterreich, ze Steyr, ze Kernden vnd ze Chrain, Graf ze Tyrol zc. meines rechten Lehens, daz ich von Jm ze Lehen han, zway drittail Weinzehents gelegen cze Ertpu^erch pey Pemyschen chrut, an dem Wolsperg vnd an dem Redleinsperg, vnd ayn viertail weinzehents an den andern pergen daselbens ze Ertpu^erch, mit allen den nu^eczen vnd rechten, die darzu^e ge¬ho^ernt, Es sei gestifft oder vngestifft, versu^echt oder vnuersu^echt vnd mit meines Lehenherren Hant, des Hochgeporn fu^ersten Herczog Lewpolts ze Osterreich, ze Steyr, ze Chernden vnd ze Chrain, Graf ze Tyrol zc. meines rechten Lehens, daz ich von Jm ze lehen han, daz emaln von den Grafen von Schawnberch Lehen ist gewesen, halben dorffzehent daselbens zu Ertpu^erch grozzen vnd chlainen ze veld vnd ze dorff, mit allen den nu^eczen vnd rechten, als ich die selben zehent, vnd getraidzehent grozzen vnd chlainen ze veld vnd ze dorff in Lehens gewer herpracht han, also beschaidenleich, ist, daz die vorgenant mein Hausurow Cecili, Chind mit mir gewu^enet, darauf sullen nach vnser paider tod die vorgenanten zehent erben vnd geuallen. Wer aber daz wir mit einander an Chind verfu^ern, des got nicht well, vnd daz mich die vorgenant mein Hausurow vberlebt, dennoch so sol Si die vorgenant zehent inne haben, niezzen vnd nu^eczen vnuerchumert vncz an irn tod, als margengab vnd des Landes ze Osterreich recht ist vnd denn nach irm tod, So sullen die vorgenanten zehent herwider geuallen auf mein nechst erben, darauf Si denn ze recht erben vnd geuallen sullen an allen chrieg, —. Vnd daru^ober, so gib ich Jr den brief zu einem warn vrchund der sach versigilten mit meinem insigil vnd mit meines Vettern insigil Hainreichs des Enczestorffer vnd mit meines O^eheims insigil Hern Tomans des Gruenpekchen. die der sach geczeugen sint mit irn insigiln, der brief ist geben nach Christes gepu^ert drew czehen hundert iar darnach in dem achczgistem iar des nechsten freitags nach dem Prehem tag.

Source Fulltext: OÖUB 9 (Wien 1906), S. 779-780