Ich Ru^edolf von Wallse vergich vnd tün chunt offenleich mit dem brief vmb die drew phunt geltz gelegen ze Langenlebarn, di Hanns der Fu^eg von mir vnd von meinen Prüdern ze Lehen hat; das ich demselben Hansen di genad getan hab vnd hab diselben drew phunt gelts verlihen ze rechtem Lehen demselben Hannsen vnd allen seinen Erben, Sünen vnd Töchtern allen irn frümen damit ze schaffen. Wer aber daz Er an Leiberben abgieng mit dem töd, so sullen diselben drew phunt gelts nach seinem tode erben vnd geuallen auf seinen Prueder Otten den Fügen vnd auf sein Erben vnd des zu ürkund, so Gib ich im den prief versigelt mit meinem anhangundem Jnsigel. Der prief ist Geben ze Wienn nach Christi gepu^orde Drewczehen hundert Jar darnach in dem Achczigistem Jar des nächstem Mitichens vor der Heiligen Junchfrown sand Angnesen Tag.

Source Fulltext: OÖUB 9 (Wien 1906), S. 785