Ich Elspet des Haw^etzenperiger witiben. dem got genad. vnd all mein erben, wi^er vergehen offenwar mit dem prief, daz wi^er gelten sullen. Ekklein dem Grew^esingrew^oter vnd Elspeten seiner Hawsfrau^on vnd all ieren erben, zehen phu^ent wienner phenning, Darfu^or er vnser Hu^ob ze erkchengeinsöd, zu^o aim phant in hat, mit all irr zu^ogehorüng, di gelegen ist, in engelhartsamer phar. vnd di er du^orch vnser vleizzigen gepet willen, zu^o ainem phant wil haben. fu^er di obgenanten zehen phunt phenning. von der schiristen chu^enftigen Liechtmess vber ain iar, mit solher beschaiden. daz wir sey losen sullen, vi^erczehen tag vor der Liechtmess, oder vi^erczehen tag hinnach, Wer aber daz wi^er sey dann nicht lösten, als vorgeschriben stet, So sol di egenant Hu^ob. sein redleicher chäuff sein fu^er di egenanten zehen phünt phenning. Wi^er sullen aüch fu^orpazz gen der egenanten Hu^ob, ich noch mein erben, nichts mer ze sprechen haben, weder mit recht. nach an recht. daz in daz also stet beleyb. dar über gib ich im den prief, versigelten mit meiner lieben freunt, abpt Nicla ze Gesten, vnd Haünolts des Rew^etter, dar v^ender ich mich||
vnd mein erben verpinten. alles daz stet ze haben als vor geschriben stet, de iere insigel dürch meiner vleizzigen pet willen an den prief gehangen haben, vnd der sach damit||
getzewgen sind, in vnd i^ern nach chomen an scheden. Geben nach Christi gepürtt, Drewzehen hündert iar, dar nach in dem achczigistem iar des vreitags nach sand pauls tag ze der bescheru^eng.

Source Fulltext: OÖUB 9 (Wien 1906), S. 791