Ich Erhart der FrSnawSr, Vergich —, daz ich — gesatzt han, meiner Hausfrawn frown Agnesen, Hern Petrein Maschen tochter für viertzig phunt wienner phenning, an irer margengab, die ich Jr gegeben han nach dez Landez recht ze O^esterreich vier phunt wienner phenning geltes, gelegen auf dem dorff ze Mu^onichkirichen, die mein satz sint von den Geystleichen Herren von Reychartsperg, mit allen den nu^otzen vnd rechten, die darczu^o gehörent, —, als die brief sagent, die dieselben Herren darüber gegeben habent, Also mit ausgenomen worten, daz die vorgenanten viertzig phunt auf dem egenanten satz nach meinem vnd der egenanten meiner Hausfrown tod, geualien süllen, auf vnser paider Chinder, die wir mit einander haben, vnd noch fu^erbaz mit einander gewynnen, Wer aber daz ich abgieng mit dem tode, ee denn die vorgenant mein hausfrow, vnd daz ich ir nicht Chind liezz, die wir mit einander hieten, des Got nicht well, oder ob ich ir Chind hinder mein liezz vnd daz die auch abgiengen vnd starben, ee denn die vorgenant mein hawsfrow, denn noch so sol si die vorgenant vier phunt geltes innhaben, niezzen vnd nutzen vnuerchumert vntz an i^eren tod, als margengab vnd dez Landes ze O^esterreich recht ist, vnd denn nach i^erem tod, so sullen dieselben vier phunt geltes geualien auf mein na^echst Erben, darauf Si dann ze recht Erben vnd geuallen sullen an allen chrieg, vnd sein auch ich vnd mein Erben, der vorgenanten vier phunt geltes, der egenanten frowen Agnesen meiner hausfrown Recht gewern vnd scherm fu^or alle ansprach als satzes vnd margengab recht ist, vnd des Landes recht ze O^esterreich. Wer aber daz Jr daran icht abgieng mit recht, daz sullen wir ir alles ausrichten vnd widercheren, an allen i^eren schaden, Vnd soll Si daz haben auf allem vnserm gu^ot wo wir das haben vnd wie daz genant ist. Wa^er aber daz die vorgenanten Herrn von Reychartsperg die vorgenanten vier phunt geltes lösten, so sullen dieselben viertzik phunt, der vorgenanten meiner hausfrown wider angelegt werden, nach vnser paider frewnt rat, in dem rechten als ich ir die auf dem vorgenanten satz gemacht han, als margengab ist vnd des Landez recht ze O^esterreich, Vnd darüber so gib ich obgenanter Erhart der Fra^enawer der vorgenanten frown Agnesen meiner Hausfrown, den brief zu einem warn vrkund der sach versigilten mit meinem Jnsigil vnd mit meiner Pru^oder Jnsigiln Ru^egers, Zachreis vnd Albers der Fra^enawer, die der sach gezewgen sint mit i^eren Jnsigiln. Der brief ist geben nach Christes gepu^erd drewtzehen hundert iar darnach in dem achczigistem Jar des na^echsten ma^entages nach sand Niclas Tag.

Source Fulltext: OÖUB 9 (Wien 1906), S. 904-906