Ich Ru^oeger von Starchenbergk der a^elta^er, Vergich —, das ich — vercha^euft vnd geben han dem Erbern Herren Hern Haydenreichen von Meissaw O^ebristem Schenken vnd zu^e den zeitten Lantmarschalich in O^esterreich vnd seinen Erben die manschaft au^of allen Gu^oetern, die hernach an dem brief verschriben vnd benannt sind, die zu^e den zeitten ze lehen habent die Edelen Lew^et, Ritter vnd Chnecht, die hernach benannt sind. her Chu^onrat der Pu^oschinger hat ze lehen die Vest zaissing vnd alles das holts vnd paw^e vnd wismad, das darczue geho^ert, vnd zway phunt vnd Sechs schilling gelts gelegen daselbs auf holden; Lew^etolt der Wolffenrew^eter hat ze lechen den Sitz ze Hintpergk vnd paw ze ainem phlu^eeg vnd zwelif tagwerch wismad vnd ain holts an dem Aichperg vnd vierdhalb phünt geltes in dem Do^erfflein daselbs vnd ein halb phunt gelts auf einer Mu^el gelegen in dem Hintpach; her Ru^emhartt von Ra^ena vnd Hanns von Ra^ena habent ze lehen an dem Turn in Ra^ena^er pharre zway lehen vnd datz dem Wernhers zway lehen in derselben pharr vnd ein wis in der Sazze vnd ein lehen in dem tal vnd vier lehen ze Sigenrew^et, das ist geacht fu^er vier phu^ent vnd zwen vnd Sybentzig phenning geltes; Her v^elreich der Neidekker hat ze lehen, vier phunt gelts gelegen ze Chu^eebach, darczu^ee fu^enf schilling gelts auf einer hofstat gelegen ze Pro^enn vnd einen hof vnd drey hofsta^et gelegen ze Albrechtzpirg geacht fu^er zway phu^ent geltes vnd einen hof haizzt der Schaw^etzhof geacht fu^er Sechs schilling gelts; Vlreich Neidekker von Gylaws hat ze lehen einen hof daselbs, do er auf sitzet, mit zwayn hofsteten daselbs vnd zwo hofstet ze Albrechtzperg vnd ein halbs lehen daselbs vnd ein wiz auf der aw, das ist alles geacht fu^er vier phu^ent gelts, vnd aber ze Albrechtzperg auf einem hof ein halbs phunt geltes vnd halben Dorfczehent dacz dem dankcholfs gro^ezzen vnd chlainen vnd ze Grillporcz auf zwain ho^efen drittail zehent grozzen vnd chlainen vnd ze Chalichgrueb in dem Dorf drittail zehent grozzen vnd chlainen vnd ze Eyreinsperg drittail zehent grozzen vnd chlainen vnd datz dem Pernharts drittail zehents grozzen vnd chlainen, die zehent all sind geacht fu^er newnthalb phünt gelts; Auch hat der vorgenant Vlreich der neydekker ze lehen einen zehent gelegen ze Senftenberg auf ga^ertten von Raichawer fu^ert vntz an die obern pru^ekk geacht fu^er ain phunt geltes. her Rennbart vom waltreichs vnd vlreich der Neidekker habent ze lehen zwelif schilling gellttes ze flachaw auf zwain lehen. her Hanns der Eytzinger hat ze lehen einen hof gelegen ze Wisenrew^et, der dint ayndlef schilling vnd zwelif phenning vnd am Loschperg im Rew^et ein halb phunt gelts vnd ein wiz im As . . . ist ein halb phünt gelts. Vlreichs des Eytzinger Chinder habent ze lehen einen hof gelegen ze Prannt vnd Swas darczüe gehoret, geacht fu^er Sechs phunt geltes, ausgeno^emen die grv^ennt, do die zymer desselben hofs aufstend, die . . . nicht lehen sind gebesen. Fridreich vnd Volkchnant||
die Praw^enstorffa^er habent ze lehen drew phunt gelts auf holtz vnd wismad gelegen an dem hi^erssenslag pei dem Maingolts. Marcus fritzenstorffa^er hat ze lehen zway tail zehent getraid . . . wein grozzen vnd chlainen auf dem dorf ze Mölndorf geacht fu^er zehen phu^ent geltes, her Nicla der Ho^echsteta^er hat ze lehen ayn phunt gelts auf holts vnd auf wismad gelegen an dem Hirssenslag. Albrecht cholb von Gylaws hat ze lehen einen hof genant der Swaighof vnd Swas darczue geho^eret, geacht fu^er drew phünt gelts, vnd ze Haraw^e auf o^edrecht fu^enfczig phu^ent geltes, vnd auf einem lehen ze Albrechtzperg ein halb phunt gelts. Hanns fritzenstorffa^er von Na^elieb hat ze lehen funf schilling gelts gelegen auf einer Mu^el, die haizzt die Rynnmu^el.¹⁾ her Hainreich der Chläuban hat ze lehen einen zehent auf dryn lehen gelegen ze Chvnratslag geacht fu^er ayn phunt gelts vnd ein wiz in der . . . aw fu^er ayn phunt geltes vnd ze Trebeinsperg auf anderthalbem lehen newn schilling gelts vnd ein drittail zehent ze Lauffenberch vnd ze Gru^eeb geacht fu^er ain phunt geltes. Wilhalm der wolffenrewta^er hat ze lehen einen hof gel . . . im Aystal vnd Swas darczue geho^eret, geacht fu^er drew phunt gelts. Adolf Wolffenrewta^er hat ze lehen ain phu^ent gelts auf vier lehen gelegen ze Sygenrew^et vnd einen zehent dats dem Pa^etzleins vnd datz dem Leu^oppolts geacht fu^er . . . phunt geltes. Vlreich von H. . . araw hat ze lehen ayn wiz in der Sazz vnd einen Akcher geacht fu^er ayn phu^ent geltes. Chv^enrat der Neydekker hat ze lehen fu^enfczehen schilling gelts auf zwain lehen gelegen ze Chuebach vnd . . . phunt gelts auf vier lehen ze Pernslag vnd ain phunt gelts auf Sechsthalber hofstat gelegen ze Mew^esling. Stepphan der Präntna^er von obern Newndorff hat ze lehen auf zwain lehen daselbs drey schilling gelts vnd an dem Loschperg auf vberlent drey schilling geltes. Hainreich Prantna^er von obern new^endorf hat ze lehen auf zwain lehen daselbs fu^enf schilling gelts vnd ein drittail zehent, ze Losch grozzen und chlainen, geacht fu^er vier phunt geltes. her Chu^enrat der Schad hat ze lehen ayn phunt vnd zehen phenning gelts auf zwain lehen gelegen ze Schafperg vnd zway tail zehent daselbens grozzen vnd chlainen geacht fur dreyczehen schilling vnd zehen phenning geltes vnd daselbs waidphenning vierczig phenning gelts. Mertt der Tanperger hat ze lehen zway tail zehent auf fu^enf zehenthewsern ze Ewreinsperg geacht fu^er zehen schilling gelts, vnd auf holcz vnd auf wismad gelegen ze Lu^egendorf, auch fu^emf schilling geltes vnd zehen phenning vnd auf einer hofstat ze Drozz zehen phenning geltes. Hanns vnd Jorg die Dabsla^er habent ze lehen achczehen schilling geltes auf zwain lehen gelegen ze Ro^er auf dem Tulneruellt. Paul von E^ammerstorf hat ze lehen acht phunt gelts gelegen ze V/entring auf behaustem gu^eet vnd ein wiz genant die Hoslingerinne ift zwelif schilling gelts. Mertt der Cholb ze Hard hat ze Lehen ein lehen vnd ein weingartten geacht fu^er Sechs schilling gelts. der Reschenna^eder hat ze lehen fu^emf phunt geltes gelegen ze Chappellen pei der Posinkch auf behaustem gu^eet. der wymer ze obern new^endorf hat ze lehen fv^emfczig phenning geltes auf einem lehen in derselb pharr. So ist des Cha^ergleins hof ze ho^euestorf vnd swas darczue geho^eret, geacht fu^er vier phunt gelts. Auch han ich dem egenanten hern Haidenreichen von Meissaw vnd seinen erben ze chauffen geben daz Chirchlehen der Chirchen ze obern newndorf vnd alles, das darczue geho^eret, vnd das Chirchlehen halbs der Chirchen ze Trew^enstain vnd alles das, daz darczue geho^ert, das halbs meins Swager Hainreichs von Dachspergk ist, vnd dieselben Chirchen ze Trewnstain sullen der egenant her Haidenreich vnd sein erben leichen zu dem na^egstem mal, So si ledig wirt, vnd Swas der vorgenanten Monschaft lehen ist von den Edeln Hochgeporen fu^ersten den Herczogen von Payrn, die in Spiczer pharre vnd Gericht ligent, wie vil der ist, das an dem brief genant ift, das hab ich in alles auf geben vnd besta^ett mit derselben Herren hannt; was aber der egenanten Monschaft auf den zehenten lehen ist von dem Erwirdigen fu^ersten dem Bischoff von Pazzaw, die in Spitzer pharre vnd gericht nicht gelegen sind, wie die genant sind, die han ich in auch auf geben vnd besta^ett mit desselben Herren hannt. Auch was der vorgenanten Monschaft, die an dem brief geschriben ist, es sei auf Chirchlehen oder auf andern stukchen, die an dem brief genant sind, wie vil derselb v^enser Rechts aygen gebesen sind, die hab ich in au^ech ze chauffen geben, als aygens recht ist vnd des Landes ze O^esterreich. Die egenanten Monschaft, die vorgeschriben vnd benant ist, vnd Swaz darczue geho^eret, es sey gestift oder vngestift, versu^echt oder vnuersucht, vnd das Chirchlehen ze Newndorf vnd das halb Chirchlehen ze Trew^onstain han ich dem egenanten Hern Haidenreichen von Meissaw vnd seinen erben Recht vnd redleich ze chauffen geben mit allen den nu^etzen, eren vnd rechten, als ich dieselben Monschaft, des aygens in aygens gewer, des lehens in lehens gewer herpracht han, vmb ein gelt, des si mich gants vnd gar gewert habent also, das si die egenanten Monschaft vnd Chirchlehen fu^erbas sullen haben vnd leichen mit allen eren vnd rechten, als des Landes ze O^esterreich recht ist, vnd mu^egen auch allen iren fru^eme damit schaffen, verchauffen, verseczen vnd geben, wem si wellent, an allen i^errsal vnd sein auch ich egenanter Ru^eeger von Starchenberg vnd all mein erben der vorgeschriben manschaft vnd Chirchlehen mit allen eren, rechten vnd zue geho^eru^eng, so vorbenant ist, des egenanten hern Haidenreich von Meissaw vnd seiner erben recht gewern vnd scherm fu^er alle ansprach, des aygens, als aygens recht ist, des Lehens, als Lehens recht ist vnd des Landes recht ze O^esterreich. Wa^er aber, das in daran icht abgieng mit dem Recht oder das in an den vorgeschriben Monschaft oder Chirchlehen icht chriegs oder ansprach auf erstu^end, von wem das we^ar, mit recht, Swas si des schaden nemment, das sullen wir in alles aufrichten vnd widercheren an allen iren schaden vnd sullen si das haben auf vns vnd auf allem vnserm Guet, das wir haben in dem Landt ze O^esterreich ob der Enns oder vnder der Enns oder wo wir es haben oder hinder vns lazzen, wir sein lebentig, oder tod. vnd das der chauf fu^erbas ste^at vnd vnczebrochen beleib, dar vber so gib ich obgenanter Rueger von Starchenberg fu^er mich vnd fu^er all mein erben dem oftgenanten hern Haidenreichen von Meissaw vnd allen seinen erben den brief ze einem waren v^erku^ende vnd zu einer ewigen vestigunge der Sach versigilten mit meinem insigil vnd mit der Erbern Herren insigil Hern Reynprechts von Waltse die zeit haubtman ob der Ens, meins O^eheims, Hern Vlreichs von Dachsperg meins Swagers, vnd Hern Pu^erkcharts vonn Wynnden meins O^eheims, die ich des fleizzichleich gepeten han, das si der Sach geczeugen sind mit iren anhangunden insigiln. Der brief ist geben nach Christi gepu^ert Dreuczehen hundert iare, darnach in dem Achczigistem iar des ne^achsten Eritags vor Weichnachten.

Source Fulltext: OÖUB 9 (Wien 1906), S. 906-910