Wir Albrecht etc. embieten vnsern getrewn den purkleuten den phanhäusern den eysenhawern den purgern vnd den chüffern vnd der ganczen gemain ze Hallstat vnd auch den bürgern vnd den chüffermaistern vnd chüffern vnd der ganczen gemain an dem Lauffen, vnd auch der ganczen lantschaft vnd gemain in dem Yschelland vnser gnad vnd alles gut. Wir lassen ew wissen, daz wir vnsern getrewn Mathesen dem Schüler vnd Jörgen dem Wispekchen vnser phleg im Yschelland vnd vnser ampt ze Gmunden mit sampt den hofschreibampten aber für bas empholhen haben. Dauon emphelhen wir ew vnd wollen gar ernstlich, daz ir denselben vnsern phlegern vnd amptleuten gehorsam vnd gewertig seit, wan wir das also ernstleich rnainen vnd wellen, vnd wer des wider were, den wolten wir swerleich daruber pessern. Geben ze Lincz an Suntag vor Liechtmesse anno domini MCCLXXX nono.

Source Fulltext: OÖUB 10 (Wien 1933), S. 538