Wir Wilhalm vnd Albrecht geuettern etc. bechennen, daz wir vnserm getrewn Hanß dem Teufel von Atenshaim vnd seinen erben hingelassen haben vnd lassen auch wissentleich vnsern wein ungelt in Wechsenberger lantgericht vnd was darczu gehöret mit allen den rechten nutzen vnd gewonhaiten, als man den vormals da genomen hat, von den nechst vergangen Weichnechten vber zwai ganczen jar, daz wirt^a) vncz die Weichnechten in dem LXXXXVIII iar, ygleich jar vmb LXX tl. pfenning; die summ baider jar bringet hundert vnd XL phunt wienner phenning, der si vns vnd^b) vnser erben richten vnd weren sullen zu den vir Quatember ygleichs iars, als sittleich vnd gewonleich ist. Wer, daz si icht sichtiger scheden daran nemen von vrleug pysezz oder von welicherlay gepresten, der sy vns^c) mit gueter kuntschaft aigenleich geweisen mochten, di sullen wir gen jn genedichleich erkennen. Mit vrchund etc. Datum Wienn Domenica ante Antonj anno etc. LXXXX sexto.

Source Fulltext: OÖUB 11 (Wien 1983), S. 472-473