Wir Wilhalm von Gotes gnaden herczog ze Österreich ze Steyr ze Kernden vnd ze Krain graf ze Tyrol etc. embieten vnsern getrewn dem richter dem rat vnd den burgern gemainleich ze Enns vnser gnad vnd alles gut. Wir empfelhen ew vnd wellen ernstleich, daz ir dem hochgeborn fürsten vnserm lieben vettern herczog Albrechten herczogen vnd heren der obgenanten lande gleich mitsampt vns in allen sachen genczleich gewertig vnd gehorsam seit vnser bayder lebtag, als wir vns des gegeneinander haben verbrieft. Wenn wir auch bayd selber zu ew komen oder aber vnser botschaft mit vollem gwalt zu ew tun, dacz ir vns des denn auch sweret nach sag vnsrer egenannten brief vnd sendet dem egenanten vnserm vettern des ewern offen brief versigelten vnuerczogenleich. Geben ze Wienn an Samcztag nach sand Veytstag anno etc. nonagesimo sexto. ||
Dominus dux in consilio.

Source Fulltext: OÖUB 11 (Wien 1983), S. 510-511