Wir Wilhalm vnd Albrecht gevettern von Gotes genaden herczogen ze Österreich ze Steir ze Kerndten vnd ze Krain graffen ze Tirol etc. entbieten vnsserm getrewn Martein dem Stadler vnsserm mawtter ze Stain vnsser gnad vnd alles gut. Wir enphelichen dir vnd wellen ernstleich, daz du vnsser getrewn di püriger ze Enns weleiben lassest pei irn rechten genaden vnd vreihaiten, die si von vnssern vordern sälig vnd vns habent vnd si an vnsser mawt daselbes dawider nicht dringest noch weswerest in chainem weg, als wir auch das vormals haben hie in vnsserm rat mit dir verlassen, vnd dawider nicht tust.||
Daz ist ernstleich vnsser mainung. Geben ze Wienn am Eritag nach dem Palmtag anno nonagesimo nono.||

Source Fulltext: OÖUB 11 (Wien 1983), S. 808