Otacharus diuina fauente gracia Dux Austrie et Stirie et Marchio Morauie Omnibus hanc litteram inspecturis Salutem. Pateat Uniuersis, quod nos intuitu retribucionis diuine Ecclesie beati Johannis apostoli et euangeliste in Walthusen hanc ex nostra munificentia indulsimus libertatem, ut nullus umquam Judicum aut prefectorum nostrorum in Machlant et in ciuitate nostra La aliquam sibi iurisdictionem aut prouentuum receptionem aut quamcunque exactionem in Prediis dicte ecclesie debeat uendicare, Sed eos, qui pro tempore in memoratis locis Judices fuerint aut Prefecti, possessionibus denominatis constituimus defensores In hac forma, ut nichil racione aduocacie nostre aut pretextu tuicionis sue a sepedictis prediis debeant aut audeant usurpare. Cum etenim ecclesiam sepe notatam foueamus et uita comite fouere uelimus speciali gracia et fauore, omnibus offensis et grauaminibus ipsius uolumus resistere et promotioni eius intendere cum effectu, offensores ipsius tamquam proprios iudicialiter et hostiliter persequentes. Ut hec ergo, que tenore presencium spondemus, in robur perpetuum redigamus, presentem cartam super hoc iussimus conscribi, quam et preposito et conuentui eiusdem loci in manifestacionem collate gracie sub nostri Sigilli munimine assignamus, Testibus eidem donacioni presentibus annotatis. Qui sunt Otto et Chunradus comites de Hardecke, II. pincerna de Habichspach, Chunradus de Hinterperch, Otto de Missowe, Albero de Chunringen, Dapifer de Velsperch, Ulricus de Habichspach, Heinricus de Hackenberch, Wolfkerus de parowe Teutonici, Poschco, Houl, Borsso, Tmilo et Chuno fratres, Bohus filius Terronis, Benis Camerarius curie nostre, Janczo et Hartlibus fratres, Militsius. Rugerus longus et alii quam plures. Acta sunt hec anno Dominice incarnationis M. CC. LII. Decime Indictionis. Datum apud Heimburch per manum magistri Willehalmi XIIII. Kal. Marcii.

Source Fulltext: OÖUB 3 (Wien 1862) S. 182, Nr. 190