Ich Hainreich von Wissen vnd ich Peters sein Haůsfraw und ich Chůnradt der Rechner vnd ich Geyssell sein Hausfraw und ich Katrey vnd ich Jeůt der vorgenanten Swester paiden vnd mit vns alln vnser erben, swie die genant sein, wier veriechen vnd tuen chůnt, daz wir zv chauffen geben haben den Hu^eeb, ist genant auf der Eben vnd ist gelegen in sand Go^ergen pharr vnd ist vnser vreys aigen gewessen mit allev dev, vnd darzůe gehorent, als wirs ingehabt habent, dem erbern chnet Vlreichen Andres aydem des Gratzzer, dem got genade, vnd Peterssen seinner Hausfrawn vnd alln iern erben vmb ain genantz gut, des wier gantz vnd gar gericht vnd gewert sein an alln schaden vnd also beschaidenleichen, daz wier der vorgenantten hu^eeb au^ef der Eben ier gewer sein fuer alln ansprach nach landes gewonheit vnd nach lantz recht in O^esterreich an als gever. Daz in disev red stet vnd vnverchert beleib von vns vnd von alln vnser erben, darvber geb wier in disen brief zv ainer warn vrchůnt versigelt mit des erbern Ritter hern Larentzen des O^eder, zv den zeitten Landrichter in dem Machlandt anhangvnden insiegel, wan wir selber chain aygen insigel nicht gehabt haben zv derselben czeit, vnd verpinden vns dar hinder mit vnser trewn alles des stetz behalten, daz an disem brief geschriben stet vnd der sach ist gezeug der erbern manne Chvnrad zu den zeitten richter datz Greyn in dem Marcht mit seinnem anhangv^ondem insigel. Der brief ist geben vnd geschriben, do man zalt von Christes gepuerdt drev^otzehen hůndert jar, dar nach in dem syben vnd viertzkistem jar an sand Go^egen tag.

Source Fulltext: OÖUB 7 (Wien 1876) S. 18f., Nr. 18