Wir Albrecht von Gotes gnaden herczog ze O^esterreich ze Steyr ze Kernden und ze Krain graf ze Tyrol etc. tůn chunt, wan der hochgeborn fu^erst herczog Albrecht seliger gedechtnu^ess unser lieber herre und vatter zu einer ewigen mess ze spital niderhalben des Strudens die gnad getan hat, daz die erbern und geistlichen der probst und der convent ze Walthausen die dasselb spital angeho^eret alle jar an salcz frey und ledig fu^erfu^eren solten sechs phunt wienner phenning an der mautt ze Lincz, als der brief sait den si von dem egenant unserm herren und vatter daruber habent, und wan darnach der hochgeborn fu^erst unser lieber brůder herczog Růdolf dem Got gna^edig sey fu^er dieselb freyung zu der egenant mess ja^erlich geschafft hat sechs phunt wienner phenning ze geben und ze richten von der obgenant mautt ze Lincz als sein brief weiset den er den korherren von Walthausen daru^eber gegeben hat, haben wir angesehen der vorgenant unsrer vordern andacht und lautter begierde die si zu der stifftung gehabt habent, und seind dem male daz darczu^e jerklicher gult sechs phunt nuczer sind denn die obgenant freyung, wellen wir daz ez bei desselben unsers brůders herczog Ru^edolfs ordnung und gescha^efte beleib also, daz man den egenanten , . dem probst und convent ze Walthausen und irem gotshause von der oftgenant unsrer mautt ze Lincz zu der egenanten mess ze spital alle jar ewichlich raich und geb sechs phunt wienner phenning fu^er die obgenant freyung, und daz in die furbazz ein iglicher mautter daselbs ze Lyncz fu^erderlich richt und geb, wan die im zu andern abslegen in unsrer amptregister geschriben sind. Und wer ye des jars mautter ze Lincz ist und die egenant sechs phunt also richtet und wert, dem wellen und sullen wir unser lieber bru^eder herczog Leuppolt und unser erben die an seiner raittung abcziehen und in der ga^enczlich ledig sagen. mit urchund dicz briefs. Geben ze Wienn an ma^entag vor sant Marien Magdalenen tag nach Krists gepurde dreuczehen hundert jar darnach in dem sechs und sechczigistem jare.||
Dominus cancellarius juriscons. provinc. Wehinger Dr.

Source Fulltext: OÖUB 8 (Wien 1883) S. 287f., Nr. 291