Collection SanctaeMariaeTheuto

Collection: Urkundenbuch des Deutschen Ordens, ed. Hennes, 1845 (Google data)

< previousCharters9999 - 9999next >

Charter: 922

Date: 99999999

Abstract: 428. Herr Godebrecht und herr Heinrich von Lay schoffen zu Coblenz beurkunden, dass der backer Wetzel dem deut- schen haus von Coblenz seinen leib und sein gut iiberge- ben hat. 1323 ian. 31. Wir her Godebrecht un her Henrich van Leyge zwene scheffene zu Kovelentze dun kunt allen di disen brief sient ove horent lesen unde bekennen in disme geinwortigem breve, dat Wetzel der becker van Kovelentze, alleyne he kranc were an deme live, he was doch wail van guden sinnen, de bekante vor uns, dat he lange, vor vunf iaren ove vor seissen, gienc zu deme Dutschenhuse zu Kovelentze un gienc in der brudere kapelle, un lachte sine hende uf iren elter umbetwungen un ungebeden un mit guden vrien willen, vor deu aldesten bru- deren des vor genanten huses, druch uf un gaf sinen liif unde allit sin gut wie it gelegen was, dat he du hatte ove dar na ge- winnen mochte bis in sinen doit, unseme herren gode un unser vrauwen un den vor benanten bruderen van deme Dutschenhuse, un glovete da bi, dat he iren orden wolde an sich nemen un ir bruder werden, alleyne he it nit vollenbrachte vor suchten un vor hindernisse, dat was ime leyt. Dise gift un dit ufdrain hielt he nu stede, un ernuwede un vollenbrachte it nu vor uns, unde druch aver uf vor uns un gaf sinen liif un allet sin gut wie it gelegen is den vor genanten bruderen, un glovede da bi, dat neste dat ime got gehulfe dat he sich bas vermochte, dat he wolde zu in kumen un mit in wanen in irme huse unde sine kost van in uemen, alse lange bis he genesen also verre, dat he iren orden an sich mochte nemen un vollevuren dat gloffenisse, dat he gode lange glovit hatte, unde numme keyne kaufmanschaf vor bas me zu drivene. Hie us wart genomen dat ime were erleuvit van den vor benanten bruderen, dat he mochte setzen sin seelgerede under hundert marken; un bat auch die vor benanten brudere, ime eyne vru misse machen in irre kirchen dat si die deden halden eweliche, un gaf darzu acht marc geldis, die cinse he bewisede zu Gulse. Dit was sin leste wille den he erkois vor uns; unde dat he den stede wolde halden unde nit dar wider dun, so bat

Images: 2

Full text: yes

View Charter
PDF- Export

Add bookmark

Edit charter (old editor)

Charter: 570